Alarm për bombë në parkingun e një hoteli në Tiranë, policia rrethon zonën

Një telefonatë për bombë te një hotel në qendër të Tiranës ka vënë në alarm policinë.

Policia ka rrethuar zonën, ndërkohë nuk dihen detaje të tjera nga ngjarja ndërsa dyshohet se telefonusi ka thënë se bomba ndodhet tek hotel “Plaza” në qendër të Tiranës.

Ndërkohë Policia e Shtetit ka njoftuar forcat xheniere të cilat janë nisur drejt vendngjarjes.

Njoftimi i policisë

Rreth orës 19:35, në Sallën Operative të DVP Tiranë ka telefonuar një punonjëse e stafit të një hoteli në rrugën “Abdi Toptani”, me pretendimin se dikush i panjohur e ka njoftuar për vendosjen e një sasie eksplozivi në parkimin e këtij hoteli.

Menjeherë në vendngjarje ka shkuar forca të shumta policie të cilët kanë bërë rrethimin e zonës dhe evakuimin e personave të hotelit.

Gjithashtu janë njoftuar forca xheniere për kontrollin dhe verifikimin e informacionit.

Në përfundim të kontrollit dhe veprimeve hetimore do të keni një informacion me të detajuar për rastin.

LEXONI GJITHASHTU:

• Evakuohen klientët e hotelit në Tiranë, policia njoftim zyrtar për alarmin për bombë
• Shpërthimi me lëndë plasëse në Tiranë, kush është pronari i banesës