Evakuohen klientët e hotelit në Tiranë, policia njoftim zyrtar për alarmin për bombë

Policia e Tiranës ka dalë me një njoftim zyrtar në lidhje me alarmin për bombë në një hotel në qendër të Tiranës.

Sipas Policisë, një punonjëse e hotelit ka telefonuar në sallën operative duke pretenduar se një person i kishte thënë se ishte vendosur eksploziv në parkingun e hotelit.

Stafi i hotelit dhe forcat e Policisë kanë evakuuar klientët nga objekti, ndërsa po pritet ardhja e forcave xheniere, të cilat do të verifikojnë nëse ka vërtet lëndë eksplozive.

Njoftimi i policisë

“Rreth orës 19:35, në Sallën Operative të DVP Tiranë ka telefonuar një punonjëse e stafit të një hoteli në rrugën “Abdi Toptani”, me pretendimin se dikush i panjohur e ka njoftuar për vendosjen e një sasie eksplozivi në parkimin e këtij hoteli.

Menjeherë në vendngjarje ka shkuar forca të shumta policie të cilët kanë bërë rrethimin e zonës dhe evakuimin e personave të hotelit. Gjithashtu janë njoftuar forca xheniere për kontrollin dhe verifikimin e informacionit.

Në përfundim të kontrollit dhe veprimeve hetimore do të keni një informacion me të detajuar për rastin”, thuhet në njoftimin e policisë.

Evakuohen klientët e hotelit në Tiranë pas alarmit për bombë pic.twitter.com/JYtapxW5Yg

— Euronews Albania (@EuronewsAlbania) May 30, 2025

LEXONI GJITHASHTU:

• Alarm për bombë në parkingun e një hoteli në Tiranë, policia rrethon zonën