Albin Kurti: Kushtetuta nuk e lejon formimin e Asosacionit

Kryeministri i Kosovës, Albin Kurti deklaroi se Kushtetuta e vendit nuk e lejon formimin e Asosaconit të komunave me shumicë serbe.

Në një intervistë për median austriake Der Standard, Kurti u shpreh se Kosova duhet të jetë një shoqëri multietnike, duke iu referuar paragrafit të parë të planit të Martti Kalevi Ahtisaari.

“Kushtetuta jonë nuk lejon shoqata të bazuara në kritere etnike, sepse paragrafi i parë i planit të Ahtisaarit thotë: “Kosova duhet të jetë shoqëri multietnike”. Pra mund të kërkohet bashkim përgjatë maleve të Rugovës apo maleve të Sharrit, por ai nuk duhet të bazohet në identitet kombëtar. Pyes veten edhe pse marrëveshja e Ahtisaarit nuk duhet të jetë e mjaftueshme,ajo përmban shumë mbrojtje të pakicave për serbët.

Kur bëhet fjalë për Asociacionin Serb të Komunave, dua t’i referohem edhe Bosnje-Hercegovinës. Më 26 prill 1991, 14 komuna me shumicë serbe atje u bashkuan dhe themeluan një shoqatë; më 9 janar 1992 shpallën pavarësinë dhe më 28 shkurt 1992 miratuan kushtetutën, më 14 shkurt 1992″, theksoi ai.

Këshilltari i lartë i Departamentit amerikan të Shtetit, Derek Chollet tha se Kosova duhet të përmbushë të gjitha zotimet në kuadër të dialogut, përfshirë edhe formimin e Asociacionin e komunave me shumicë serbe”.

Deklaratën ai e dha gjatë një bisede me gazetarët në Prishtinë ditën e djeshme.

LEXONI GJITHASHTU

• Kurti: Duam normalizim të marrëdhënieve me Serbinë
• Erdogan: Po vazhdojmë përpjekjet për të zbutur tensionet mes Kosovës dhe Serbisë
• Lajçak e Escobar me Geoana për gjetjen e një zgjidhjeje midis Kosovës e Serbisë