“Albin Kurti “luan” me patriotizmin”, gazetari: Krahasuar me Ramën, nuk ka asnjë cen

Gazetari Leonard Seferi tha në “Good Morning Albanians” se mes dy kryeministrave shqiptarë Edi Rama dhe Albin Kurti ka shumë ngjashmëri pasi që të dy dinë ta përdorin mirë si forcën e fjalës dhe mimikat.

Ai tha se nëse krahasohen të dy kryeministrat Albin Kurti ka një pikë shumë të fortë, se nuk ka asnjë “të metë” lidhur me korrupsionin, ndërsa nga ana tjetër, Rama ka pasur më shumë pushtet dhe më shumë afrimitet në arenën ndërkombëtare.

Seferi tha gjithashtu se Kurti luan shumë edhe me kartën e patriotizmit, gjë që e bën që ndaj tij të ketë një reagim më të ngrohtë.

“Kurti s’ka një cen në kuptimin e fjalës për korrupsion. Kjo është shumë e rëndësishme. Kurti me Ramën për hir të së vërtetës si natyrë shfaqin një ngjashmëri shumë të madhe me njëri tjetrin. Përdorin mimikat, gjuhën në formën më të mirë që mund të ketë një politikan në Kosovë dhe në Shqipëri.

Një diferencë që kanë është se Rama ka pasur më shumë pushtet, por ka edhe probleme që Kurti nuk i ka. Është një betejë e fortë mes tyre. Kurti luan, domethënë e ka të detyrueshme të përdorë kartën e patriotizmit, kjo sjell ndjeshmëri dhe një reagim më të ngrohtë”,-tha gazetari Leonard Seferi.

LEXONI GJITHASHTU:

• Gazetari: Kurti më populist sesa Edi Rama, më i dashur nga të rinjtë
• Kurti merr pjesë në Kongresin e SPD në Berlin, takon kancelarin Scholz