Albin Kurti: Nuk e shoh të nevojshme krijimin e Asosacionit

Kryeministri i Kosovës, Albin Kurti deklaroi se nuk e sheh të nevojshëm krijimin e Asociacacionit, por u shpreh i gatshëm për diskutime për të drejtat e komuniteteve që nuk janë shumicë.

Në një intervistë për “RTK2”, Kurti tha se propozimi evropian është bazë e mirë për marrëveshjen me Serbinë.

“Jam gati për bisedime për të drejtat e pakicave, të komuniteteve joshumicë, jam gati për këtë. Por duhet ta kuptoni se është shumë e rëndësishme që ata që duan më shumë të drejta sesa u jep plani i Ahtisaarit, e mbajnë barrën e argumentimit – pse u duhen më shumë.

Ahtisaari mori çmimin Nobel për Paqe, çfarë do ta plotësonte planin e Ahtisaarit, cilat janë argumentet për të metat e tij. Barra e argumentit duhet të jetë mbi ata që kërkojnë diçka tjetër apo diçka më shumë”, theksoi ai.

Duke folur për kthimin e serbëve në institucione, veçanërisht në polici, Kurti nënvizoi se nuk pajtohet me gjendjen e tanishme dhe se nuk dëshiron që serbët në veri të zëvendësohen me shqiptarë.

LEXONI GJITHASHTU

• Ministri serb zbulon tre pikat që përbëjnë vijën e kuqe në negociatat për Kosovën
• Rama: Unë dhe Vuçiç kemi pikëpamje krejtësisht të ndryshme për çështjen e Kosovës
• SHBA vendos sanksione ndaj 2 radikalëve serbë