Aldo Bumçi: Rama e nisi fushatën duke hedhur në erë televizione, e ka kapur paniku

Ish-deputeti i Partisë Demokratike, Aldo Bumçi tha në një intervistë për “Now me Erla Mëhillin” se kryeministri Edi Rama sulmon televizionet sepse e ka kapur paniku.

Ndërkaq, nisjen e fushatës së tij, me moton se me paratë e fushatës do të mbjellë pemë, Bumçi e konsideron “tallje me Veliajn”.

“Rama nuk e fillon fushatën me mbjelljen e pemëve. Rama e ka nisur fushatën me hedhjen në erë të televizioneve, për të terrorizuar median, për ta poshtëruar, për të mos pasur ekrane dhe media kundër. Ky është një element, elementi tjetër është aktivisti. Rama e ka nisur fushatën me aktivistin sepse ka frikë edhe njerëzit që ka punësuar ai, përndryshe nuk e vendos aktivistin.

Rama e ka nisur fushatën me 50 mijë lekë të vjetra për pensionistët që është mesazh paniku që është i braktisur. Po mundohet që këtë shtresë që në masë të madhe ka votuar Partinë Socialiste, në sondazhe i del që është i braktisur dhe prandaj erdhi te ky akt për t’i dhënë 50 mijë lekë,” – u shpreh Bumçi.

LEXONI GJITHASHTU:

• Shpërthen Bumçi! Ditë të zeza për demokracinë, histori turpi
• Aldo Bumçi: 3 bashkitë e mëdha që PD-ja do t’i fitojë me siguri