Aleksandër Çipa: Arsyet pse jemi zhytur në korrupsion

Gazetari Aleksandër Çipa thotë se mekanizmat që do duhej të luftonin korrupsionin në vend, nuk kanë funksionuar.

Në emisionin “Now” në Euronews Albania, Çipa u shpreh se edhe për shkak të problemeve të saj të brendshme, opozita nuk ka mundur të adresojë siç duhet aferat korruptive.

“Po ta shikosh, disa nga mekanizmat që do duhej ta frenonin dhe ta bënin shumë herë më më të përgjegjshëm individin që rekrutohet në administratën publike, ai që firmos për asetet publike, për financat publike, donacionet, tenderat, prokurimet, nuk e ka pasur këtë ndërgjegje të drojes, jo të frikës, por të vihej para përgjegjësisë në momentin që pa garë, e kalon tenderin te individi jo përmes konkurimit.

Politkisht, ne kemi qenë një një instalim të asaj që quhet pluralitet kontrollues. Në momentin që një opozitë konsumon energji të tejzgjatur kohore për problemet e brendshme të vetvetes, nuk i kryen dot funksionet publike. Kemi mungesë mocionesh, mungesë interpelacash”, theksoi ai.