Alfred Moisiu: Pse presidenti duhet të jetë me “flokë të bardha”

Ish-presidenti Alfred Moisu tregoi në emisionin “Now me Erla Mëhillin” se gjatë mandatit të  tij 5-vjeçar kishte punuar për të shuar konfliktet politike.

Ai kujtoi se si në  zgjedhje vendore të 2007 situata ishte e tillë që zgjedhjet mund të mos bëheshin fare, por ai kishte mbledhur gjithë kryetarët e partive parlamentare dhe për 24 orë dhe i dhanë zgjidhje problemit.

Sipas Moisit, mosha dhe përvoja kanë shumë rëndësi për postin e kreut të shtetit, që sipas tij duhet të jetë ‘Babai i Kombit’.

“Për mua presidenti duhet të jetë me flokë të bardha. Pra mosha e përvoja kanë rëndësi. Tani të lësh presidencën e të shkosh të krijosh parti nuk shkon. Nuk e kemi parë gjëkundi këtë gjë. Sepse kjo do të thotë që ti gjatë kohës që ke qenë në atë detyrë e ke menduar se ç’do bëhet më tej. Po edhe të zgjedhësh një president 40-vjeçar, me pas s’mund ta nxjerrësh në pension. Pra janë disa gjëra që duhen marrë në konsideratë. Për fat të keq ne më shumë bëjmë kompromise se sa zgjidhje për të ardhmen, për të siguruar stabilitetin dhe zhvillimin dhe vazhdimin e demokracisë” u shpreh Moisiu.

LEXONI GJITHASHTU:

• Moisiu: Kalova 7 porta për të shkuar tek Thaçi, më erdhi rëndë kur e pashë atje
• Tensionet në Veri, reagimi i ashpër i Moisiut: Vuçiç si Putini, ja rruga e vetme