Alibali: Kurti mund të ndryshojë kandidatët tani që LDK dhe AAK i bën publike

Analisti Neritan Alibali i ftuar këtë të të diele në emisionin “Riview” me Greta Topjana në Euronews Albania ka komentuar listat e publikuara nga partitë politike në Kosovë lidhur me zgjedhjet e 28 dhjetorit. Alibali theksoi se në lista janë vendosur kandidatë të cilët kanë marrë vota të shumta personale.

Ai theksoi se vonesa e publikimit të kandidatëve për deputet nga partitë është një taktikë për të zbuluar njëherë emrat e kundërshtarëve politikë dhe më pas të caktojnë personat e duhur për t’i munduar ata.

“Kandidatët qe janë vendosur në listë, një pjesë e tyre janë ata që kanë marrë shumë vota personale. Tani secila parti bën si thua jo vetëm politikë me listat por ka një lloj taktike. Për shembull Vetëvendosja i vonon listat sepse do të shohë cilët janë në terren, kandidatët e kundërshtarëve për t’i vënë ata njërëz që mund t’i mundin.

Ka një afat deri sot në 12 të natës. Në Kosovë nuk ndodh si në Shqipëri edhe pas orës 12 të natës dërgohen dhe ndryshohen. Deri në fund sidomos partitë kryesore mundohen te shohin kundërshtarët për t’ia vendosur njerëz që kanë mbështetje”, tha ai.

LEXONI GJITHASHTU:

• Studimi: Tatuazhet mund të ndikojnë në mënyrën si reagon sistemi imunitar
• Kryediplomatja e BE, Kallas: SHBA-të mbeten aleati ynë kryesor