Alibeaj besohet më shumë nga demokratët se Basha, Patozi: Ka më pak kusure

Sondazhi i publikuar në emisionin Barometri në Euronews Albania tregoi se Enkelejd Alibeaj besohet më shumë nga demokratët se Lulzim Basha përkatësisht 25, 2 për qind në krahasim me 19 për qind.

Në emisionin Now me Erla Mëhillin, ish-deputeti Astri Patozi e shpjegon këtë me faktin se Alibeaj ende nuk është vënë përballë sfidave dhe nuk është sprovuar si Basha, i cili sipas tij i la në balë demokratët.

“Ka më pak kusure dhe nuk është aq antipatik sa Basha, që i la demokratët tek dera e Kryeministrisë dhe dështoi me sukses të plotë. Alibeaj nuk është sprovuar akoma. Problemi më i madh është që PD është e ndarë edhe në këtë gjë. Të dyja palët duan të asimilojnë njëri-tjetrin, asnjëri nuk ka interesin publik”, tha Patozi.

LEXONI GJITHASHTU:

• “Gjynahet e Berishës nuk falen”, Astrit Patozi: Si mund të ngrihet opozita
• Patozi refuzon ftesën e Berishës: S’jam në kërkim të ndonjë partie