Enkelejd Alibeaj bashkë me Arbi Agalliun dhe Oriola Pampurin shkuan sot në tryezën e negociatave për presidentin.

Për uljen e tyre në tryezë përballë përfaqësuesve të PS nuk kishin dijeni të gjithë deputetët e Partisë Demokratike.

Të pyetur nga Euronews Albania, disa deputetë të Grupit Parlamentar demokrat që ishin të pranishëm në mbledhjen e fundit, deklaruan se për këtë takim nuk kishte pasur një njoftim apo një konsultim paraprak.

Luçiano Boçi thotë se Alibeaj nuk mund të shkonte në këtë takim pa mbledhur fillimisht grupin parlamentar demokrat.

“Nuk ka të drejtë të jetë përfaqësuesi i opozitës. Alibeaj mund të jetë deputet i thjeshtë dhe e ka përfunduar misionin e tij, me atributin e të ashtuquajtuarit kryetar i Grupit Parlamentar, të njohur zyrtarisht nga Rama dhe Balla. Negociatat për presidentin janë politike, e përcakton Kushtetuta”, tha Boçi.

Gjatë dy ditëve të ardhshme pritet që të ketë një mbledhje të grupit parlamentar, ku do të shikohet nëse do të marrin pjesë edhe deputetët që janë pjesë e Komisionit të Rithemelimit.

LEXONI GJITHASHTU

• Marrëveshja për presidentin, në raundin e dytë e tretë propozon vetëm opozita
• Balla thirrje opozitës: Sillni propozimet për presidentin e ri
• Alibeaj: Presidenti duhet të zgjidhet në 3 raundet e para