Alibeaj njoftoi kandidimin e PD-së në 16 bashki, reagon ashpër Berisha

Ish-kryeministri Sali Berisha mbajti këtë të hënë një konferencë për mediat, ku u paraqitën gjetjet e raportit të auditit në lidhje me financimet ruse në PD.

Në fjalën e tij Berisha u ndal dhe te vendimi i Partisë Demokratike, më kryetar të komanduar Enkelejd Alibeajn, për të garuar në zgjedhjet lokale të 14 majit në 16 bashki.

Berisha i cilësoi kandidatët e PD-së si mjeranë të cilët janë në shërbim të kandidatëve të maxhorancës.

“Kandidatët e Alibashës dhe Lulzim Bravës janë kandidatë të Edi Ramës.

Ata nuk kanë asnjë lidhje me PD-në.

Ata janë vegla që i përdor Basha dhe Rama kundër pluralizmit.

PD do triumfojë, nuk ka asnjë mëdyshje.

Koha provoi në mënyrë profetike rëndësinë e misionit të demokratëve në përmbysjen e monizmit në Shqipëri.

Këto i kanë kuptuar të gjithë.

Kandidatët e Edi Ramës, janë një apo dy, vijnë tërësisht nga bota e mafies, e cila kërkon të shpëtojë sistemin monist që ka vendosur”, tha Berisha.

LEXONI GJITHASHTU:

• Berisha publikon gjetjet e raportit të auditit për financimet ruse në PD
•  Afati i fundit në KQZ, PD pritet të garojë në 16 bashki, mungojnë ende 2 emra