Alibeaj për Ramën: Sa më shumë shthur gjuhën aq më shumë është i zhytur

Sipas kryetarit të grupit parlamentar të Partisë Demokratike, Enkelejd Alibeajt, Edi Rama shthur gjuhën në varësi të “zhytjes” nëpër afera.

Ai shkroi në Twitter se kështu ndodh kur “fal për sadaka portin e Durrësit”. Alibeaj thotë se buxheti i vitit 2023 shkoi si “gosti për miq e klientë” ndërsa kryeministrin e cilësoi si gojëndyrë, pa nerva e pa qetësi.

“Shqiptarëve iu la peshqesh, veç fyerjeve dhe talljes, varfërinë, korrupsionin, pabarazinë, padrejtësinë dhe ikjen masive nga vendi. Kjo është e vërteta e hidhur me të cilën shqiptarët përballen çdo ditë. Një realitet që propaganda nuk e fsheh dot, arroganca nuk e lehtëson dhe vetëm ndryshimi i madh mund dhe duhet ta përmirësojë,” – thuhej në postimin e tij.

1.1. Nuk do shumë mund për të kuptuar se sa herë ai shthur gjuhën aq më shumë është i zhytur në aferat që e mbajnë peng. Kështu ndodh kur “fal” për sadaka portin e Durrësit, një copë të atdheut në fakt, nga hajduti në ballë e 40 oligarke vërdallë!

— Enkelejd Alibeaj (@enkelejdalibeaj) November 10, 2022

Në seancat e Kuvendit ku diskutohej buxheti, gjuha e përdorur nga kryeministri kundrejt deputetëve të opozitës ka nxitur reagime.

LEXONI GJITHASHTU:

• Deklaratat e Metës për portin e Durrësit, reagon Rama
• ‘Harruan tekstin nga akooli’, Rama shenjëstron Palokën dhe Leskajn: Parti bedelësh
• Rama e quajti “gjel Peqini”, flet për herë të parë Dashnor Sula