Rama e quajti “gjel Peqini”, flet për herë të parë Dashnor Sula

Deputeti demokrat Dashnor Sula në një intervistë për Euronews Albania u shpreh se nuk ndihet i ofenduar personalisht për gjuhën e Ramës dje në Kuvend ndaj tij. Ai tha se fjalori i përdorur nga Rama nuk është i duhur.

“Më vjen turp në gjendjen që ka përfunduar ai parlament. Jam totalisht kundra ndaj çdo lloj fyerje dhe arrogance. Dje ishte e njëjta situatë. Foli z. Alibeaj por nuk ka të drejtë kryeministri të dalë dhe flasë me një fjalor që nuk është i denjë. Unë nuk jam ndierë i ofenduar personalisht, por për institucionin në radhë të parë, për deputetët për parlamentin”, u shpreh ai.

Në seancën e djeshme të Kuvendit Edi Rama teksa po fliste për projektligjin për Portin e Durrësit, debatoi me deputetin Dashnor Sula, duke e quajtur këtë të “gjel deti i Peqinit”.

Krue i qeverisë u shpreh se ka të pafytyrë që quajnë aferë një investim të madh që pritet të bëhet në Portin e Durrësit.

LEXONI GJITHASHTU:

• ‘Gjel deti i Peqinit’, Rama përplaset me Sulën për Portin e Durrësit
• ‘Të pafytyrë’, Rama-opozitës: U paguat me para ruse për të rrëzuar qeverinë
• Rama për projektligjin për Portin e Durrësit: S’kemi kohë për të humbur