Shefja e misionit të vëzhguesve ODIHR për zggjedhjet lokale të 14 majit, Odry Glover u takua këtë të mërkurë me Enkelejd Alibeajn.

Pas takimeve me dy drejtuesit e koalicionit “Bashkë Fitojmë”, Berisha dhe Meta, Glover shkoi në selinë e re të Partisë Demokratike që drejtohet nga Enkelejd Alibeaj për të dëgjuar qëndrimet që ai kishte për fushatën.

Pas takimit, Alibeaj tregoi disa nga temat që diskutojë me shefen e ODIHR, Odry Glover. 

“Për mënyrën se si është zhvilluar deri më tani fushata zgjedhore, i bëra të qarta të gjitha shkeljet e bëra nga qeveria, buxhetin e shtetit të përdorur, tenderin e hapur, aktivistin, administratën që e ka totalisht në funksion të zgjedhjeve, i bëra të qartë edh etë gjitha shkeljet ligjore të bëra nga KQZ”,-tha Enkelejd Alibeaj, kryetar i komanduar i PD.

Alibeaj tha se gjatë takimit me Glover kishte folur edhe për përplasjen e fortë në PD gjatë 2 viteve të fundit.

“Sigurisht i bëra me dije edhe për situatën që është brenda Partisë Demorkatike, e cila nuk është një çështje private por është një çështje publike dhe që reflekton te korrektësia e këtyre zgjedhjeve. Fakti që ne qëndrojmë këtu në seli të marrë me qira, se selia jonë është e zaptuar dhe fakti është se ajo seli që është e Partisë Demokratike frekuentohet nga njerëz që nuk e përfaqësojnë aspak Partinë Demokratike”,-tha Enkelejd Alibeaj, kryetar i komanduar i PD.

LEXONI GJITHASHTU:

• Meta fushatë në Pogradec: Rama nuk ka asnjë kandidat që mund të dalë përballë nesh
• Veliaj në Njësinë 4: “5 Maji” e “Bregu i lumit” portë hyrëse e Tiranës moderne