Alibeaj tregon emrat: Dy kandidatët e PD-së për Avokatin e Popullit

Deputeti demokrat, Enkelejd Alibeaj ka bërë publikë dy emrat që ka përzgjedhur grupi i Partisë Demokratike si kandidatë për Avokat të Popullit, që do i dërgohen Kuvendit.

Në një deklaratë për mediat nga ambientet e Kryesisë së Kuvendit, Alibeaj tha se Ledio Braho dhe Dorian Gjomarkaj janë kandidatët e propozuar nga Grupi i PD-së.

“Duke pasur parasysh faktin që tradita e hershme parlamentare ka treguar, që ka patur një zë të fortë të opozitës, sot e gjithë arkitektura shtetërore e Shqipërisë është e deformuar. Të gjithë institucionet kushtetuese dhe gjyqësore janë të kapura nga mazhoranca, kjo i jep peshë Avokatit të Popullit të vendosë një balancë.

Grupi i PD-së arriti në mënyrë unanime që të fokusohet në dy emra: Ledio Braho dhe Dorian Gjomarkaj. Në grupin e PD-së zhvilluam disa raunde analize dhe votimi. Në përfundim të këtij mekanizmi ju deklaroj se preferenca e grupit të PD-së është zoti Ledio Braho”, theksoi Alibeaj.

LEXONI GJITHASHTU

• Berisha dhe Meta firmosin nesër marrëveshjen për aleancën në zgjedhjet vendore
• ‘Super politikan’, Meta: I propozova një emër Berishës për ‘Parlamentin e Tiranës’
• “Referendum dhe primare”, Meta flet pas takimit me Berishën