Ambasada amerikane në Kosovë thirrje partive politike: Respektoni vendimin e ‘Kushtetueses’, zgjedhje të lira dhe paqësore

Ambasada e Shteteve të Bashkuara të Amerikës në Kosovë u bën thirrje të gjitha partive politike dhe institucioneve në vend që të respektojnë vendimet e Gjykatës Kushtetuese, sa i përket rrëzimit të qeverisë Hoti. 

Po kështu, ambasada bën thirrje që qytetarët e Kosovës të kenë mundësinë të zgjedhin përfaqësuesit e tyre përmes zgjedhjeve të lira.

“Shtetet e Bashkuara u bëjnë thirrje të gjitha partive politike dhe institucioneve në Kosovë të respektojnë vendimet e Gjykatës Kushtetuese dhe të sigurojnë që qytetarët e Kosovës të kenë mundësinë të zgjedhin përfaqësuesit e tyre përmes zgjedhjeve të lira, të drejta dhe paqësore”, thuhet në reagimin e ambasadës.

Ditën e djeshme Gjykata Kushtetuese në Kosovë shpalli të pavlefshëm mandatin e deputetit Etem Arifi dhe kështu detyron mbajtjen e zgjedhjeve të përgjithshme brenda 40 ditësh. 

Lexoni gjithashtu:

Kosova shkon në zgjedhje të reja, Gjykata Kushtetuese rrëzon qeverinë “Hoti”