Ambasada ruse sqaron zhvendosjen nga rruga ‘Ukraina e Lirë’

Ambasada ruse në Tiranë përmes një njoftimi në media ka sqaruar arsyet e shpërnguljes nga rezidenca në qendër të Tiranës, pranë rrugës që në mars u pagëzua me emrin ‘Ukraina e Lirë’.

Përmes një njoftimi, ambasada ruse i cilëson jo të besueshme lajmet e publikuara në mediat shqiptare që e lidhin zhvendosjen e ambasadës në një godinë të re për arsye të riemërtimit të rrugës.

Sipas ambasadës, ndërtesa e re e ambasadës u hap në prani të mediave që në shtator 2019, por zhvendosja e plotë u mundësua vetëm në qershor 2022 për shkak të vonesës së punimeve ndërtimore në periudhën e pandemisë.

“Në të njëjtën kohë, MEPJ-së shqiptare i është dërguar një njoftim zyrtar për zhvendosjen e zyrës së Ambasadës dhe adresa e re është publikuar në rrjetet sociale.

Do të dëshironim që tani e tutje, përpara publikimit të informacioneve lidhur me punën e misionit tonë diplomatik, gazetarët të kontaktojnë drejtpërdrejt me përfaqësuesit e Ambasadës për një informacion të besueshëm”, shkruhet në njoftimin e ambasadës.

LEXONI GJITHASHTU:

• Asnjë shkresë nga ambasada ruse për incidentin në Gramsh| 5 ngjarjet kryesore
• Ambasada ruse për incidentin në Gramsh: Asnjë informacion nga autoritetet shqiptare