Propozimi ish-deputetëve socialistë si ambasadorë, shihet me jo pak skepticizëm nga deputetët e opozitës.

Ashtu si në rastin e ish-deputetëve Ervin Bushati dhe Vasilika Hysi, qëndrimet kanë qënë të ashpra edhe për Fatmir Velajn, i cili është propozuar si ambasador në Austri.

Deputeti demokrat Kreshnik Çollaku e sheh kandidaturën e Velajt si meritë të lidhjeve të ngushta me kryeministrin Edi Rama.

“Unë mendoj se ju jeni rasti tipik i emërimit të një ambasadori, jo për shkak të kohëzgjatjes dhe jetës suaj në këtë vend, por për shkak të afërsisë politike me zotin Rama”,-tha Kreshnik Çollaku.

“Sa i takon çështjes së fundit që thatë, se unë jam këtu nga miqësia me zotin Rama, ju them se unë jam i depolitizuar në këtë pjesë”,-tha Fatmir Velaj.

Objektivat e saj para komisionit për politikën e Jashtme i shpalosi edhe Adia Sakiqi, kandidatja për ambasadore në Gjermani, e cila u zotua për çuarjen përpara të procesit të Berlinit.

“Theksi i veçantë do i vendoset punës për shtimin e mbështetjes gjermane në procesin e saponisur të negociatave të anëtarësimit të Shqipërisë në BE”,-tha Adia Sakiqi, kandidate për ambasadore në Gjermani

Ndërsa Majlinda Frangaj është e propozuara e qeverisë për selinë e shenjtë në vatikan,

“Shpreh bindjen dhe vullnetin tim se kam për të punuar edhe më shumë për të intensifikuar marrëdhëniet dy palëshe mes shqipërisë dhe  vatikanit”,-tha Majlinda Frangaj, kandidate për ambasadore në selinë e shenjtë

Për listën e propozuar me 12 kandidatë nga ministria e jashtme, opozita është shprehur edhe në seancat e mëparshme, duke i cilësuar si qoka politike. Vec fatmir Velajt, nga radhët e ish-deputëteve, Ervin Bushati është propozuar për në SHBA dhe Vasilika Hysni ambasadore në OKB.

LEXONI GJITHASHTU:

• Blinken dhe Macron për kundërofensivën: Mund të zgjasë me muaj
• Tensione në Veri, sulmohen gazetarët në Zveçan