Ambasadori i Azerbajxhanit: Në Shqipëri ndihem si në shtëpi, ka shumë tolerancë

Ambasadori i Azerbajxhanit në Shqipëri, Anar Huseynov zhvilloi një intervistë me emisionin GoodMorning Albanians në Euronews Albania, jashtë kornizave të diplomatit.

Teksa i vlerësoi si të shkëlqyera marrëdhëniet mes dy vendeve tona ai u shpreh se në Shqipëri është ndjerë si në shtëpinë e tij pasi është një vend ku ka gjetur shumë tolerancë.

“Siç e kam thënë më parë gjatë udhëtimeve të mia nga Greqia në Shqipëri, kur kam udhëtuar në Shqipëri jam ndjerë si në shtëpi. Shqipëria ka një kulturë unike dhe tolerancë të madhe dhe kjo më bën të ndihem si në shtëpi se në Azerbajxhan kemi të njëjtin mentalitet, të njëjtën mënyrë si i trajtojmë të huajt. Kemi edhe fjalë të përbashkëta si baxhanak, shyqyr dhe disa të tjera, ndonjëherë i dëgjoj dhe më bëjnë gjithashtu të ndihem si në shtëpi. Kemi edhe të përbashkëta në kulturë, në kërcim, në valle dhe ne duhet t’i promovojmë këto”, tha ambasadori.

LEXONI GJITHASHTU:

• Hiqen vizat me Azerbajxhanin, nënshkruhet marrëveshja në Baku
• Rama nga Azerbajxhani: Synojmë të ndërtojmë një qendër gazi të lëngshëm në Vlorë