Ambasadori i BE: Parlamenti duhet të jetë funksional, punoni bashkë për integrimin

Ambasadori i BE në Shqipëri, Silvio Gonzato u ka bërë thirrje të gjitha forcave politike në Shqipëri të punojnë së bashku për axhendën e integrimit të vendit në BE.

përmes një postimi në Twitter, Gonzato shprehet se zbatimi i reformave të nevojshme për anëtarësim në BE kërkon një parlament  që funksionon efektivisht dhe një bashkëpunim të mirëfilltë ndërmjet të gjitha institucioneve.

“Falë procesit të shqyrtimit, Shqipëria ka tashmë një pamje të qartë të reformave të nevojshme për anëtarësimin në BE. Siç i thashë ministres Elisa Spiropali gjatë takimit tonë të parë [të premten e kaluar], zbatimi i këtyre reformave do të kërkojë një parlament që funksionon efektivisht… dhe një bashkëpunim të mirëfilltë ndërmjet të gjitha institucioneve.

Të gjitha forcat politike duhet të punojnë së bashku për axhendën e integrimit të vendit në BE, duke reflektuar vullnetin e fortë të qytetarëve shqiptarë për t’u anëtarësuar në BE”, shprehet ambasadori i BE.

LEXONI GJITHASHTU:

• Nisja e sesionit të ri parlamentar, ambasada gjermane thirrje partive politike
• “Begaj në Parlament”, Bardhi: S’jemi njoftuar, aksioni i opozitës do vijojë edhe sot