Ambasadori i Holandës nga Korça: Vendimi për negociatat do merret shpejt

Ambasadori i Holandës në Shqipëri, Reinout Vos, nga Korça pas një takimi që ka pasur me studentë të Fakultetit Ekonomik të universitetit ka komentuar hapjen e mundshme të negociatave për kapitujt themelorë në mbledhjen e Këshillit në 21 mars.

“Siç e dini Shqipëria është në rrugën e saj drejt BE, kështu që zyrtarisht negociatat kanë nisur. Që raundi tjetër i negociatave të nisë duhet të ketë një vendim nga Këshilli në Bruksel por jam konfident që të vijë shpejt. Nuk shoh arsye pse ky vendim duhet të zgjatet, është një proces në vijim dhe besoj se vendimi do të merret shpejt”,  tha ambasadori.

Ambasadori është ndalur edhe tek situata parlamentare si dhe bllokimin që po i bën opozita prej muajsh Parlamentit. Vos i është përgjigjur dhe interesit të gazetarëve për probleme të politikës shqiptare.

“Parlamenti është demokraci, demokracia është zemra e një kombi dhe duhet të kemi një debat konstruktiv në parlament. Është e trishtë që Shqipëria muajt e fundit nuk ka pasur një jetë të shëndetshme parlamentare. I kërkoj të dyve partive të bëjnë maksimumin e tyre, të kemi një parlament siç duhet të jetë”, apeloi ambasadori.

LEXONI GJITHASHTU:

• Deputeti gjerman kundër Serbisë: BE duhet të rishikojë negociatat
• Rama vlerëson administratën për negociatat: Kisha frikë dhe mosbesim, por…