Rama vlerëson administratën për negociatat: Kisha frikë dhe mosbesim, por…

Kryeministri Edi Rama ka mbledhur në një takim me skuadrën kombëtare të negociatave për anëtarësim në Bashkimin Europian.

Në fjalën e tij Rama u shpreh se kishte pasur frikë dhe mosbesim se një punë kaq e madhe do të ishte e mundur nga administrata, që siç theksoi kishte kaluar çdo pritshmëri.

“E kam pasur shumë frikë momentin e çeljes së negociatave se është një test shumë sfidues. Ky proces ka qenë i suksesshëm është edhe një revansh i heshtur, por kuptimplotë i administratës shqiptare që e mbajnë dhe e përmirësojnë në vijimësi makinerinë e shtetit. Meritoni që ta konsideroni në aspektin e karrierës profesionale por edhe të kontributit tuja patriotik vitin 2023 si vitin më kuptimplotë. Unë besoj që jo vetëm nuk është pak, por është një surprizë pozitive që nga ky proces, ku faktikisht ju keni bërë një numër të konsiderueshëm takimesh dhe keni parashtruar 797 çështje, përfundimi është se Shqipëria sot zotëron mbi 50% të kapacitetit për t’u konsideruar gati për anëtarësim në BE. Mbi 50% është shumë, duke pasur në konsideratë që jemi në fillim të procesit”, – tha Rama.

LEXONI GJITHASHTU:

• Yjet e Sportit/ Rama i dorëzon çmim Sylvinhos: Brazilianin do e bëjmë shqiptar
• FOTOT/ Vizita në Romë, Rama takim me kryeministrat Rishi Sunak dhe Meloni