Ambasadori italian: Synojmë nënshkrimin e marrëveshjes për pensionet këtë vit

Ambasadori italian Fabrizio Bucci deklaroi se ka nisur të trajtohet çështja e pensioneve.

Shqiptarët që jetojnë në Itali prej shumë vitesh nuk ju janë njohur pensionet dhe kjo situatë pritet të marrë zgjidhje brenda këtij viti.

Sipas ambasadorit është duke u bërë një punë shumë e mirë me qeverinë shqiptarë, veçanrësisht me zv. ministren për Evropën dhe Punët e Jashtme, Megi Finon.

“Ka qenë një mision këtu, para pak kohësh, i senatorit Nanncini, i cili ka luajtur një rol të rëndësishëm në Itali për zhbllokimin e negociatave. Arsyeja për të cilin nuk ishte arritur ende një marrëveshje për pagesat e sigurimeve shoqërore/pensioneve për qytetarët shqiptarë lidhej me faktin se nuk ekzistonte një mbulim financiar,” – u shpreh Buçi për “Mirëmëngjes” në Euronews Albania.

Ambasadori tregoi se paratë janë dhe po negociohet për mekanizmin mbi bazën e të cilit do të paguhen sigurimet në dobi të qytetarëve shqiptarë.

“Kështu, që nga viti i ardhshëm, qytetarët shqiptarë të cilët kanë derdhur kontribute shoqërore në Itali, të mund të mbledhin këtu në Shqipëri atë që kanë paguar në sistemin tonë të përkrahjes sociale,” – u zotua Bucci.

LEXONI GJITHASHTU:

• Bucci: ‘Non grata’ tipike amerikane, nuk ka sistem të ngjashëm në Evropë