Ambasadori ukrainas: Italia, Franca, Qipro pro shkëputjes së Rusisë nga Swift

“Nëse deri dje shtetet si Italia, Franca dhe Qipro ishin kundër shkëputjes së Rusisë nga sistemi i pagesave Swift, sapo presidenti ka marrë një konfirmim për ndryshimin e qëndrimit”. Kështu deklaroi ambasadori ukrainas në Tiranë, Volodymyr Shkurov.

Ai shtoi se 198 civilë janë vrarë gjatë luftimet në Ukrainë, mes tyre edhe 3 fëmijë.

“198 civile ukrainas kanë humbur jetën, mes tyre 3 fëmijëve. 1115 persona janë plagosur, mes tyre 33 fëmijë. Pala ruse ka humbur 14 avionë, 8 helikopterë, 102 tanke, 200 ushtarë janë të plagosur, 3500 ushtarë janë të vrarë”, u shpreh ai.

Ai tha se Ukraina i ka bërë thirrje Kryqit të Kuq Ndërkombëtar për të  transportuar rusët e vdekur në Rusi në mënyrë që populli rus të dijë çmimin e tmerrshëm të agresionit.

“Unë bëj thirrje shoqërisë ruse dhe diplomatëve rus që të dënojnë sulmin”, tha ambasadori.