Amnesty International: FIFA t’i kompensojë punëtorët migrantë

Vetëm dhjetë ditë para nisjes së Kupës së Botës në Katar, Amnesty International i ka bërë thirrje urgjente presidentit të FIFA-s, Gianni Infantino, që të angazhohet për një paketë kompensimi për punëtorët migrantë që ndërtuan stadiumet në të cilat zhvillohet kampionati botëror në futboll.

Amnesty International dhe 24 grupe të tjera, duke përfshirë Human Rights Watch, i shkruan Infantinos në maj duke i kërkuar atij të krijonte një program kompensimi për “abuzimet” që pësuan punëtorët.

Këto organizata thonë se shumë punëtorë migrantë – kryesisht nga Azia Jugore dhe Azia Juglindore dhe Afrika – kanë vuajtur nga shfrytëzimi dhe abuzimet në vendet e punës, raporton Radio Evropa e Lirë.

Punëtorët janë ankuar për kushtet e punës që përfshinë punë të detyruar, mosdhënie e pagave dhe orë të gjata pune pa ditë pushimi.

LEXONI GJITHASHTU:

• Futbollistët iranianë kërkesë FIFA-s, kërkojnë përjashtimin nga “Katar 2022”
• Kosova gjithmonë mund të mbështetet te FIFA, thotë Presidenti Infantino