Amnistia/ Basha me qytetarët: Duan të shpëtojnë zyrtarët e korruptuar

Kreu i PD-së Lulzim Basha, në një takim me qytetarët në Paskuqan ka folur sërish për amnistinë duke thënë se janë futur dispozita me propozimin për amnisti që të shpëtojnë zyrtarët e korruptuar.

Mes tjerash ai theksoi se kanë kërkuar ulje dënimi për zyrtarët e korruptuar për politikanët e korruptuar.

“Në rastin e fundit, janë futur dispozita me propozimin për amnisti që të shpëtojnë zyrtarët e korruptuar, të shpëtojnë ata të cilët kanë vjedhur taksat e shqiptarëve, ata që janë kapur në tendera korruptiv, ata si kjo e inceneratorëve, përfishirë vet këtë aferë. Të shpëtojnë pra njerëzit që u kanë rënë në qafë shqiptarëve. Kanë kërkuar ulje dënimi për zyrtarët e korruptuar për politikanët e korruptuar. Ndërkohë që njerëzve që u ranë në qafë, atyre te Bregu i Lumit që u shkuan me gaz lotsjellës në 5 të mëngjesit, që ua zaptuan pronat, ua shkatërruan shtëpitë, jo vetëm që e bënë këtë, por për protestuesit që u ngritën në emër të pronave të tyre, në emër të shtëpive të tyre, nuk ka amnisti. I refuzuan propozimet tona”-tha Basha.

LEXONI GJITHASHTU: 

• Nëna e Navalnyt ngre padi në gjykatë, kërkon lirimin e trupit të të birit
• UNESCO: Rrezikojnë të zhduken më shumë se 2500 gjuhë nga 6000 në të gjithë botën