Ancelotti te Selecao, presidenti brazilian kritika: Pse s’shkoi të ndihmonte Italinë

Nga viti 2024 Carlo Ancelotti do të drejtojë kombëtaren e Brazilit, i cili bëhet i pari shtet në karrierën e italianit. 64-vjeçari ka drejtuar skuadra si Reali, Milani, Chelsea, Psg, Bayern ku ka fituar dhjetëra trofe, ndërsa kjo do të jetë eksperienca e parë me një kombëtare ku nuk mungojnë yjet. Lëvizja e bujshme e tij është përshëndetur nga sportdashësit nëpër botë, por jo nga presidenti i Brazilit, i cili ka nisur sulmet.

“Më pëlqen Ancelotti por ai kurrë nuk ka qenë trajner i Italisë. Pse nuk zgjidh si fillim problemin e vendit të tij që ka dy herë që mungon në Botëror?”- tha Silva.

Më tej, Da Silva ka treguar dhe trajnerin që e sheh si emrin e duhur për të drejtuar Selecao.

“Unë jam një tifoz i Fernando Diniz, sepse ai ka personalitet, kreativitet dhe është një person që mund të vërë komandën në dhomat e zhveshjes. Është e lehtë të jesh trajner në Europë me 11 lojtarë të zgjedhur, por është e vështirë të vish këtu dhe të jesh trajner i Corinthians. Do të doja ta shihja Ancelottin nëse do të bënte mirë me Corinthiansin…”, tha Lula.

Brazili e ka humbur shkëlqimin prej vitesh tashmë, ndërsa as tekniku Tite nuk mundi të bënte diçka në këtë pikë. Kujtojmë se në Botëror u eleminuan nga Kroacia, ndërsa edhe në edicionet e mëparshme nuk ka pasur sukses.

LEXONI GJITHASHTU:

• Mbrojtësi shqiptar firmos në Premier League, Zabeli zyrtarizohet tek Brentford
• Sezoni i ri i Serisë A, Derbi i Madoninës luhet më 17 shtator