Andi Bushati: Arsyet pse e zhbëhu Rama Ballkanin e Hapur brenda një nate

Analisti Andi Bushati tha në emisionin Now në Euronews Albania se mbyllja e Ballkanit të Hapur është një gjë e mirë, pasi sipas tij ai ishte vetëm një mjet për të promovuar Ramën dhe Vuçiçin.

Por sipas tij, vendimi i Ramës për ta zhbërë brenda natës një projekt që e kishte cilësuar si strategjik, është autokrat.

“Nga të gjitha aspektet është një gjë e mirë dalja nga kjo marrëzi. Por në një  vend demokratik shtrohen disa pyetje; Rama ka shkuar para 27 liderëve te BE dhe u ka thënë përkrahni Ballkanin e Hapur se ndryshe do ketë gjak dhe luftë në këtë rajon. Tani, do ketë gjak dhe luftë që doli Edi Rama nga Ballkani i Hapur? E ka quajtur Ballkanin e Hapur projekt strategjik për shqiptarët, si u zhbëka brenda natës? Jemi sërish në kushtet e vendimmarrjes autokratike. S’e dimë pse ka ndodhur kjo gjë. Na u tha që do kemi miliona të mira që s’i pamë kurrë dhe tani dolën të këqija”, tha Bushati.

LEXONI GJITHASHTU:

• Rama: Ballkani i Hapur e kreu misionin, para kemi Procesin e Berlinit
• Meta: Misioni i “Ballkanit të Hapur” ka mbaruar, por jo i “Kalit të Trojës”.