Andi Bushati e cilëson të rremë Këshillimin Kombëtar

Analisti Andi Bushati e cilëson të rremë Këshillimin Kombëtar, përmes të cilit qeveria ka pyetur qytetarët nëse duhet të merren disa vendime për çështje me rëndësi.

Për Bushatin ky proces jo vetëm që nuk është i besueshëm, por ai e sheh si një “alibi të panevojshme për Edi Ramën që të marrë vendimet që ka në plan”.

“Rama e kupton demokracinë që vetë propozon, vetë flet, vetë numëron”, u shpreh Bushati në emisionin “Shock” në Euronews Albania.

Bushati tha se për Ramën “demokracia është që pushtetari bën sikur pyet, i krijon qytetarit iluzionin sikur pyetet dhe nuk bën asgjë”.

Ndërsa, Baton Haxhiu tha se procesi i Këshillimit Kombëtar tregon se ka pasur dëshirë nga ana e qeverisë për të marrë mendimin e qytetarëve.