Andi Bushati: Jam pro vaksinës, por kundër kthimit me detyrim

Analisti Andi Bushati e sheh të nevojshme marrjen e vaksinës kundër COVID-19, pasi kjo qasja shton ai ndikon në mbrojtjen e shëndetit të popullatës.

Përballë moderatores Bruna Çifligu, Bushati theksoi në emisionin “Shock” se detyrimi i njerëzve për të marrë vaksinën krijon probleme.

“Unë jam pro vaksinës, jam vaksinuar edhe vetë dhe mendoj se është në të mirë të njerëzimit me që secili nga ne të vaksinohet, por nga ana tjetër kthimi me detyrim i vaksinimit ka probleme”, tha ai.

Sipas tij, marrja e vaksinës kundër COVID-19 nuk duhet analizuar vetëm në aspektin shëndetësor.

“Nuk duhet parë vetëm nga ana shëndetësore, por edhe nga ana etike dhe filozofike. A mundet të ma kufizojnë lirinë deri në atë pikë, sa të më detyrojnë me vaksinim, kjo është një çështjet që askush nuk e ka zgjidhur dhe bota ndahet në pro dhe kundër’, tha ai.

Analisti thotë se fjala “detyrim” tingëllon ashpër në veshin e qytetarëve dhe autoritetet duhet të mendojnë mirë para se ta artikulojnë atë.

“Fjala “detyrim” është fraxhile dhe duhet menduar shumë mirë kur lëshohet”, tha ai.