Andi Bushati: Ky është autogoli më i madh i opozitës

Analisti Andi Bushati i ftuar në “Now” me Erla Mëhillin ngriti pyetjen se çfarë është më e rëndë për opozitën: të jetë kryetari non grata nga Amerika apo që dyshohet se mund të ketë marrë para nga rusët.

Sipas tij, çështja non grata është më e rëndë.

“Unë kam qenë nga ata se kam besuar këtë non gratën, kam thënë PD-ja në demokracinë shqiptare duhet të vazhdojë përpara me njerëzit e vet të votuar. Tani të kthehem dhe për një luftë të brendshme ne të bymehim një parti shqiptare që është financuar nga rusët, për mua është autogoli më i madh i opozitarizmit në Shqipëri,” – u shpreh ai.

Rusia ka transferuar në mënyrë të fshehtë mbi 300 milionë dollarë për parti politike, drejtues dhe politikanë të huaj në mbi 24 vende të botës, duke nisur nga viti 2014.

Lajmin e bëjnë të ditur burime të administratës amerikane, të cilat i referohen një raporti të shërbimeve të inteligjencës, tashmë i deklasifikuar, shkruan BBC.

Sipas këtij burimi, Rusia kishte shpenzuar rreth 500,000 dollarë për të mbështetur Partinë Demokratike të Shqipërisë në zgjedhjet e vitit 2017 dhe gjithashtu financoi partitë ose kandidatët në Bosnjë, Mal të Zi dhe Madagaskar.

LEXONI GJITHASHTU:

• ‘Lobimi i sponsorizuar nga Rusia’, Bushati: Nuk shitet Basha për aq para