Andretti zbarkon në Silverstone si pjesë e projektit për debutim në F1

Skuadra amerikane Andretti Global u transferua në selinë prej 48.000 metrash katrorë në Silverstone si pjesë e projektit për të qënë pjesë e Formula 1. Drejtori i Përgjithshëm, Michael Andretti dhe babai i tij, kampioni i Botës në vitin 1978 në F1 si dhe fitues në vitin 1969 në “Indianapolis 500”,  Mario Andretti, ishin të pranishëm në prezantim.

Ata u shqëruan nga një staf prej 80 punonjësish nga “Andretti Cadillac UK”. Hapësirat e reja do të përfshijnë strukturat e nevojshme për dizajnin, projektimin dhe ndërtimin e makinave. Si dhe një dyqan të markave më të rëndësishme në motorsport.

Gjithcka në bashkëpunim me selinë mëmë në të Andretti’t në Indiana, dhe simotrën e Formula E në Banbury. Andretti Global planifikon hyrjen në kategoritë më të vogla si FIA Formula 2 dhe Formula 3 në përpjekje për promovimin e talenteve nga SHBA dhe krijimin e pilotëve të nevojshëm për debutim në Formula 1.

LEXONI GJITHASHTU:

• “Sapo hape Kutinë e Pandorës”-Zv.ministri: Pse duam ta sjellim Formula 1 në Shqipëri
• Transferimet që bënë historinë në Formula 1