Andrew Tate lirohet nga burgu, do të qëndrojë në arrest shtëpie

I vetëshpalluri mizogjinist dhe influencues, Andrew Tate dhe vëllai i tij Tristan, të dyshuar për abuzim seksual dhe shfrytëzim, u liruan nga burgu në Rumani të premten dhe u vendosën në arrest shtëpiak për 30 ditë.

Gjykata e Apelit në Bukuresht refuzoi të zgjasë paraburgimin e vëllezërve Tate dhe dy të dyshuarve rumunë dhe urdhëroi që katër të arrestuarit të vendosen në arrest shtëpiak, sipas dokumenteve të gjykatës, raporton Sky News.

Andrew dhe Tristan Tate kanë kërkuar më parë lirimin nga paraburgimi katër herë, por kërkesat e tyre janë refuzuar.

Vëllezërit Tate dhe bashkëpunëtorët e dyshuar rumunë u arrestuan më 29 dhjetor në Rumani. Asnjëri prej tyre nuk është akuzuar zyrtarisht.

LEXONI GJITHASHTU:

• Andrew Tate mbetet në paraburgim edhe për 30 ditë të tjera 
• Vajza e politikanit të njohur rrëfen si Andrew Tate tentoi ta mashtronte