Aneksimi i territoreve ukrainase nga Rusia, reagon presidenti Begaj

Presidenti rus Vladimir Putin organizoi ditën e sotme një ceremoni në një nga sallat e Kremlinit për të shpallur sundimin e Rusisë mbi rreth 15% të Ukrainës, aneksimi më i madh në Evropë që nga Lufta e Dytë Botërore.

Për këtë çështje ka reaguar dhe presidenti i Shqipërisë, Bajram Begaj i cili ka dënuar “shkeljen e përsëritur të integritetit territorial të Ukrainës nga ana e Rusisë”.

“Sfida e hapur dhe flagrante e Rusisë ndaj ligjeve dhe komunitetit ndërkombëtar është lajm i keq për paqen dhe rendin botëror,” – u shpreh Begaj.

Me referendumin që u zhvillua nga data 23-27 shtator në Ukrainë, rajonet e Khersonit, Zaporizhzhias dhe Donbasit mund të shkrihen përfundimisht me ‘Nënën Rusi’.

Sipas Putin, ky tashmë është një realitet edhe pse Perëndimi refuzon të pranojë rezultatet referendumit duke i quajtur ato të ‘rreme’ dhe ‘të imponuara me dhunë’ nga ushtria ruse.

LEXONI GJITHASHTU:

• Rusia ‘ndryshon’ kufijtë – si i ndryshon kjo rregullat e lojës?
• Putin shpall aneksimin, Zelenski kërkon anëtarësimin e përshpejtuar në NATO