Anestezisti që publikoi video të grave shtatzëna person me shkelje etike në spital

Një skandal i vërtetë është denoncuar të premten në Tetovë, përkatësisht në Spitalin e Gjinekologjisë, ku një nga mjekët specialistë ka xhiruar gratë në një nga sallat, madje i ka nxjerrë edhe live në TikTok, duke bërë një “ndeshje” me një person tjetër.

Pëllumb Vela, drejtor i spitalit klinik në Tetovë, njeriu që denoncoi publikimin e videos në rrjetet sociale, tha në emisionin Good Morning Albanians në Euronews Albania se ngjarja është skandaloze dhe nuk duhet të mbyllet si diçka e vogël.

Ai tregoi se detyrën si drejtor e kishte marrë para 10 ditësh, por duke punuar më herët në këtë spital kishte njohje me shumicën e personelit në spital.

“Sa e pashë, por fakti që është regjistrimi në gjinekologji ku nuk lejohet incizimi i paautorizuar e denoncova menjëherë rastin. Pas denoncimit tim personin në fjalë e kanë marrë në polici. Më vonë kemi mbledhur komisionin e etikës dhe kemi konstatuar shkelje të rënda, punë jo etike ndaj pacientëve, incizime të pautorizuara, kemi marrë vendim për pezullim nga puna. Oda e mjekëve do të mblidhet lidhur me këtë rast dhe ka gjasa t’i merret licenca si mjek”, tregoi ai.

LEXONI GJITHASHTU:

• Deri 6 vite burg për mjekun që publikoi video të grave shtatzënë
• Rrëfehet gazetarja: Isha shtatzënë, kur më quajtën spiune ruse rrezikova vajzën