Anija ukrainase me 6 mijë ton grurë mbërrin në Portin e Durrësit

Këtë të mërkurë, ka mbërritur në Portin e Durrësit një anije ukrainase e ngarkuar me 6 mijë ton grurë.

“Jaohar Ranim” është nisur më 28 korrik nga porti në Izmail të Ukrainës dhe mbërriti në orët e para të mëngjesit në Shqipëri.

Ndërsa, anije të tjera janë ende rrugës për në destinacione të ndryshme. Dërgesat janë rezultat i një marrëveshjeje mes Ukrainës dhe Rusisë, të ndërmjetësuar nga Turqia.

Akordi synon të lehtësojë krizën e urisë, që po kërcënon një seri vendesh në mbarë botën.

Rusia dhe Ukraina janë të dyja furnizuese kyçe të drithërave dhe konflikti i vazhdueshëm vetëm ka vënë në pah brishtësinë e zinxhirit global të furnizimit me ushqime, kur dy shtetet kryesore janë jashtë tregut.

LEXONI GJITHASHTU

• Ankorimi ende larg, asnjë anije ukrainase me grurë s’ka mbërritur në destinacion
• Katër anije të tjera me grurë nisen nga portet e Ukrainës