Ankaraja përsërit votën kundër Finlandës në NATO, reagon Helsinki

Takimi informal i ministrave të Jashtëm vazhdoi në Berlin me çështjen e anëtarësimit të ardhshëm të Finlandës në tryezë.

Helsinki është në prag të aplikimit për anëtarësim, por brenda NATO-s, Turqia paralajmëron se mund të vendosë veton.

“Shumica e popullsisë turke, pjesa më e madhe e tyre, janë kundër anëtarësimit të vendeve që mbështesin Partinë e Punëtorëve të Kurdistanit dhe milicinë e saj. Ata po na kërkojnë të bllokojmë këtë anëtarësim. Por këto janë çështje që ne duhet t’i bisedojmë me aleatët tanë, si dhe me vetë vendet e interesuara”, tha Mevlut Cavusoglu, ministër i Jashtëm i Turqisë.

NATO beson se nëse aplikon për anëtarësim, Finlanda mund ta siguroj atë së shpejti, pasi është ushtarakisht e integruar me vendet anëtare.

Gjithashtu, ministri i Jashtëm finlandez ka besim se dallimet mund të tejkalohen.

“Ditën e djeshme i telefonova kolegut Mevlut Cavusoglu, në përpjekje për të ulur paksa tensionet. Ne do të takohemi dhe jam i sigurt se do të gjejmë një zgjidhje për këtë çështje”, u shpreh Pekka Haavisto, ministër i Jashtëm i Finlandës.

Edhe Suedia ndodhet pak hapa prapa anëtarësimit në NATO, por zgjatja e luftës në Ukrainë mund ta bëjë atë t’i bashkohet Aleancës pas Finlandës.

LEXONI GJITHASHTU:

• Putin paralajmëron Finlandën: Anëtarësimi në NATO do të ishte gabim
• Suedia dhe Finlanda, takim me ministrat e Jashtëm të NATO-s sot në Berlin