Anketa, Shqipëria mbetet vendi më pro-perëndimor në rajon

Shqiptarët mbështesin në masë idenë për lidhje të forta tregtare me Europën dhe Shtetet e Bashkuara të Amerikës. Ne anketën e fundit të kryer nga Geo Power, shumica e të pyeturve kërkojnë që varësia ekonomike të anojë nga perëndimi.

Shqipëria dallohet për qëndrimet e forta pro lidhjeve ekonomike me Amerikën dhe Europën, duke reflektuar një perceptim të qëndrueshëm për rëndësinë e këtyre partnerëve strategjikë në zhvillimin ekonomik të vendit.

Raporti i Geo-Power, botuar nga Newton Research Europe tregon se në krahasim me mesataren në rajon, ku 41% e banorëve mendojnë se vendi i tyre duhet të ulë varësinë ekonomike nga SHBA-të, në Shqipëri vetëm 25% e mbështesin një reduktim të tillë.

Ky rezultat e vendos Shqipërinë në krah të Kosovës dhe Gjeorgjisë, ku mbizotëron besimi se Shtetet e Bashkuara janë një partner i domosdoshëm ekonomik dhe politik, bashkëpunimi me të cilin nuk duhet kufizuar.

Nga ana tjetër, në Bosnje dhe Hercegovinë dhe Ukrainë, përqindje shumë më të larta të të anketuarve 61% dhe 57% mbështesin uljen e varësisë nga SHBA, ndërsa Serbia dhe Moldavia shfaqin qëndrime më të ndara.

Kur pyeten për Bashkimi Evropian, tabloja është e ngjashme: vetëm 23% e shqiptarëve mendojnë se vendi duhet të reduktojë varësinë ekonomike nga BE, ndërsa 73% e kundërshtojnë këtë ide, duke e bërë Shqipërinë vendin me mbështetjen më të lartë për vazhdimin e integrimit ekonomik me unionin.

LEXONI GJITHASHTU:

• Armëpushimi në Gaza, ministrat e jashtëm të vendeve myslimane takim në Stamboll
• Humbi ndjenjat në orën e fiskulturës, ndërron jetë 10-vjeçarja në Greqi