Apeli i GJKKO lë në fuqi masën arrest me burg për “komisarët e hashashit”

Apeli i Gjykatës së Posaçme ka lënë në fuqi masën e arrestit me burg për 3 ish-policët, Shkëlzen Ruska, Erdit Hazizaj e Ervis Alisinanaj të akuzuar për trafik droge me Greqinë nga viti 2019-2021.

Masat e arrestit me burg ishin dhënë nga GJKKO gjatë seancës së zhvilluar më 3 mars.

Tre të akuzuarit kishin kërkuar ndryshimin e masave të sigurisë, kërkesë që u rrëzua nga Apeli.

Grupi kriminal i drejtuar nga Kristo Qirici dhe Eldian Allushi akuzohet për trafikimin  nëpërmjet pikës së Qafë-Botës në Greqi  të një sasie prej 1150 kg kanabis, kanabis të përpunuar çokollatë si dhe vaj kanabisi vlera e të cilit përllogaritet në 1.7 milionë euro. Me anëtarët e këtij grupi kanë bashkëpunuar  edhe dy punonjësit e policisë, Elvis Dervishi  dhe Erdit Hazizaj.

Ndërsa rasti i dytë lidhet me sekuestrimin e një  sasie prej 1.3 tonë kanabis që u gjet në vitin 2020 nga policia e Gjirokastrës.  Sipas hetimeve droga u gjet në një furgon  shumë pranë Tepelenës. Për kultivimin dhe trafikimin e lëndës narkotike si dhe lehtësimin e pozitave penale të personave të përfshirë në këtë aktivitet kanë bashkëpunuar edhe efektivët Shkëlzen Rsuka dhe Ervis Alisinanaj.

LEXONI GJITHASHTU:

• Arrestimi i shefave të policisë, SPAK njoftim zyrtar: Trafikuan drogë nga 2019-2021
• U arrestuan nga SPAK për trafik droge, pezullohen nga detyra shefat e policisë