Arbana Xharra: Nuk ka koordinim me SHBA, do të na kushtojë

Gazetarja Arbana Xharra thotë se Kosovës i mungon një koordinim i mirë me SHBA dhe BE çka mund t’i kushtojë në politikën e saj të jashtme.

Në një intervistë për Euronews Albania Xharra u shpreh se serbët e veriut kanë qenë gjithmonë të ndikuar nga Beogradi dhe Vuçiç po shfrytëzon momentin në favor të Serbisë.

Sipas saj, demagogjia e brendshme e VV është duke i kushtuar Kosovës në politikën e saj të jashtme.

“Dje është mbushur Twitter me akuza të Serbisë se Kosova është antiamerikane. Por kemi edhe reagimet e  SHBA në raport me Kosovën që u bënë disa kërkesa që s’u pranuan nga Kurti, i cili po bën përpjekje të tregojë ballin e tij përballë SHBA. Të gjithë i dimë gabimet gjatë dialogut, Serbia ka mbështetjen e plotë të SHBA kur vjen puna te asosacioni. Kemi në tërheqje dhe jo koordinim të mirë me SHBA që do na kushtojë”, tha Xharra.

LEXONI GJITHASHTU:

• Situata në Veri, Kurti fton liderët e opozitës në takim
• Përshkallëzim i situatës në veri? Përgjigjet ish-ambasadori Lauka