Ish-ministri i Financave, Arben Malaj tha në një intervistë për Euronews Albania se çështja Beccheti do të paguhet nga lekët e qytetarëve.

Sipas tij humbja e gjyqit do të krijojë një gropë në buxhet.

“S’ka burim tjetër, ato merren nga buxheti dhe je i detyruar t’i përfshish në buxhet. Ne në vitin 2004 diskutonim ligjin organik të buxhetit dhe organizata që na jepte konsulencë kërkonte që në nenin 1 të buxhetit të thuhej që detyrimet ndaj të tretëve me vendime ndërkombëtare duhen paguar të parat dhe unë nuk e kam pranuar dhe nuk e kemi futur në ligj sepse i thash të parat që paguhen në një vend janë pagat, sigurimet shoqërore, kohezioni social. Këto do të përfshihen si pjesë e buxhetit, por jo me detyrimin që këto të jenë të parat mbi të gjitha.

U bë një debat disi i vështirë, por përfundimisht fitoi argumenti i palës shqiptare. 110 milionë euro në vend që të shkonin për shkollat, për arsimin, për mbrojtjen sociale, do të shkojnë tani në xhepin e Becchettit, pavarësisht nëse ai do të bëjë apo jo burg, ato para do t’i  marrë,” – sqaroi Malaj.

LEXONI GJITHASHTU:

• “Po të këshillojnë gabim”-Malaj-Ramës: Të ruhet nga emocionet, s’ka logjike juridike
• Rritja e pagave, Malaj: Mund të na ndodhë si Greqia, burimi i fondit i paqartë