Rritja e pagave, Malaj: Mund të na ndodhë si Greqia, burimi i fondit i paqartë

Ish-ministri i Financave, Arben Malaj tha në një intervistë për Euronews Albania se është e rëndësishme të sqarohet burimi i fondit që do të shkojë për rritjen e pagave ose në të kundërt diçka e tillë s’mund të jetë e realizueshme.

Sipas tij mund të ndodhë si me qeverinë e Greqisë, që për shumë vite jepte shpërblime të majme dhe në momentin që vendi ra në krizë sepse u rrit kostoja e punës dhe nuk kishte produktivitet, atëherë kërkesa e parë që bëri FMN dhe Banka Qendrore Europiane për të ndihmuar Greqinë të dilte nga kriza ishte kthimi pas, pra shkurtimi i këtyre shpërblimeve.

“Nëse nuk i kemi kapacitetet nuk shkojmë dot në një rritje të tillë. Duhet sqaruar burimi, për mua është i paqartë sepse është bazuar vetëm tek të ardhurat nga inflacioni, nuk është bazuar se u lirua baza e të ardhurave, nuk janë rritur të ardhurat se doli pusi që tha kryeministri. Janë të ardhura nga inflacioni, janë të ardhura varfëruese,” – sqaroi Malaj.

LEXONI GJITHASHTU:

• Arben Malaj e thotë hapur: Jam kundër amnistisë fiskale! Ju tregoj arsyet
• Arrestimi i nënës lehonë, Malaj: Pasojat më të rënda bien mbi fëmijët