Arrestimi i nënës lehonë, Malaj: Pasojat më të rënda bien mbi fëmijët

Ish-zëvendësministrja e Arsimit Nora Malaj, ishte e ftuar këtë të shtunë në emisionin Revieë në Euroneës Albania, ku foli në lidhje me rastin e arrestimit së nënës lehonë Diana Bahçja, për shkak të një gjobe të papaguar për braktisjen e fëmijës së parë.

Malaj tha se në kalvarin e vuajtjeve të nënës, e cila është dhunuar nga familja e ish-bashkëshortit të parë dhe fakti që nuk takon dot vajzën, pasojat i vuajnë të dy fëmijët e saj.

Ajo theksoi se fëmijët e Dianës ndodhen në një moshë të cilat janë fazat më të rëndësishme të jetës së një njeriu për të përcaktuar atë që ata do të jenë më pas.

“Është shumë e vështirë të bëjmë analizën se kush e ka fajin, por ne kemi arritur te kapja peng e jetës së njerëzve. Pasoja është shumë e fortë te foshnjat te vajza e parë dhe te foshnja e dytë. Pasoja më e rëndë janë fëmijët. Dy janë fazat më të rëndësishme në jetë 0-3 vjeç dhe 3-6 vjeç dhe të dy fëmijët e Dianës janë në këtë moshë. Me imponim apo pa imponim gjithë emocionet që ti ke, energjinë që t’i ke e transmeton te bebja, edhe kur i jep qumësht edhe kur e mban pranë i krijon atij në mënyrë të pavetëdishme pasiguri, të cilat reflektohen në jetën më vonë të foshnjës”, tha Malaj.

LEXONI GJITHASHTU:

• Gjoba e nënës lehonë, shpërthen juristja: Si japin atë vlerë, pa bërë asnjë vlerësim
• Avokati i nënës lehonë: Dianën e denoncoi ish-vjehrri, thanë që u largua nga banesa