Argita në krye të PD? Noka: E respektoj, por unë njoh si kryetar Berishën

Deputeti Flamur Noka është shprehur se kryetar të PD sheh vetëm Sali Berishën.

Këtë e tha kur u pyet  në emisionin “Now” në Euronews Albania, nëse do që në krye të PD të jetë e bija e Berishës Argita Malltezi.

Teksa tha se për këtë të fundit ka respekt, Noka kujtoi se Malltezin e ka lutur në vitin 2013 që të marrë drejtimin e partisë por që ajo nuk ka pranuar.

“Unë liderin e PD–së e kam dhe nuk jam në kërkim të liderit, kush është në kërkim të liderit të vazhdojë ta kërkojë. Unë sot për sot Argitën e respektoj pafund. Unë sot kam lider Berishën sepse ka marrë votën e demokratëve. Është i mandatuar si kryetar i PD-së. E kam lutur dikur Argitën që të merrte në dorë partinë, por nuk ka pranuar”-tha Noka.

LEXONI GJITHASHTU: 

• Përplasja me tifozët gjatë ndeshjes së volejbollit, vdes polici grek
• Sherr për parkimin, raportohet për dy të vrarë e dy të plagosur në Tetovë