Dominim absolut dhe 3 gola të realizuar, Argjentina është rikthyer në mënyrë spektakolare në aktivitet, duke mposhtur Kilin.

Të besuarit e Scalonit morën një fitore me shumë vlerë në kualifikueset e kampionatit botëror, ndërsa qëndrojnë në krye të klasifikimit.

Kjo ishte fitorja e 6 në 7 ndeshje të zhvillura, ndërsa kanë 1 humbje ndaj Uruguait. Pjesa e parë nuk prodhoi gola, me skuadrat që shkuan në dhomat e zhveshjes me rrjeta të paprekura, ndërsa fraksioni i dytë nisi në mënyrë perfekte për albicelestet.

McAllister zhbllokoi rezultatin, ndërsa kilienët provuan të rigjejnë balancën, gjë e cila nuk ndodhi, kjo pasi Alvarez e pas tij Dybala vulosën triumfin 3-0.

Aktualisht Argjentina thuajse e ka siguruar kualifikimin në botëror, duke parë dhe ritmin me të cilin po avancon, ndërsa ka lënë pas rivalët e përjetshëm të Brazilit të cilët kanë humbur terren, duke u renditur të gjashtët.

11 gola të shënuar dhe 2 të pësuar bëjnë që kampionët e botës në fuqi të jenë mbrojtja më solide e garës si dhe sulmi i dytë më i mirë pas uruguaianëve.

LEXONI GJITHASHTU:

• Argjentina rikthehet me fitore, mposht Kilin në kualifikueset e botërorit
• Si do të zhvillohet ceremonia hapëse e Lojërave Olimpike në Paris?