Armatosja e NATO-s/ Flet eksperti: Vendet që po rrezikohen nga lufta

Projekti i NATO-s, për blerjen e armatimeve është parë nga analistët si një rreziku potencial për fillimin e një lufte.

Eksperti i marrëdhënieve ndërkombëtare, Dritan Hoti, ishte i ftuar në Euronews Now, për të folur mbi lëvizjet e fundit të  NATO-s, përfshirë dhe stërvitjen  më të madhe që kjo organizatë ka mbajtur ndonjëherë, të quajtur “Steadfast Defender 24”.

Sipas ekspertit, ky hap është ndërmarrë specifikisht për disa vende evropiane që po rrezikohen më shumë nga Rusia, siç janë Suedia dhe Finlanda.

“Ky është një lloj sinjali për Rusinë që ka disa limite në atë që quhet agresivitet ushtarak.Ka disa mesazhe të dyjëzuara. E para është që ne sigurojmë mbrojtjen në pjesën veriore të Evropës. Dhe e dyta, ne do të garantojmë sigurinë për çdo shtet anëtar.”-tha ai.

Plani i NATO-s synon stërvitjen e 90.000 trupave ushtarake nga 31 vendet anëtare të aleancës, si dhe Suedisë, e ftuar nga ALEANCA, me një afat kohor prej katër muajsh. Megjithatë, për ekspertin Hoti ky shpenzim kaq i madh për NATO-n, mund të ishte menaxhuar ndryshe, duke i ardhur në ndihmë Ukrainës.

“A nuk do të ishte më mirë që këto shpenzime, pra një pjesë e tyre, të kalonin për mbrojtjen ose armatosjen e Ukrainës, megjithëse kemi parë një lloj rezistence për këtë nga disa shtete?”-u shpreh më tej ai.

LEXONI GJITHASHTU:

• NATO blen 1.1 miliard euro municione, si do të përdoren një pjesë e tyre
• Analiza: Çfarë do të thotë për Europën stërvitja e NATO-s, Steadfast Defender 24?
• 90 mijë trupa, NATO do të zhvillojë stërvitjen më të madhe që nga Lufta e Ftohtë