“Armët bërthamore në Bjellorusi!”- Eksperti: Përdorimi i tyre, kërcënim për Evropën

Eksperti i sigurisë Dritan Goxhaj tha se armët bërthamore nuk do të përdoren as nga Rusia e as nga perëndimi, pasi nëse do të përdoreshin pasojat do të ishin shumë të mëdha jo vetëm për Ukraninën por për të gjithë Evropën.

I ftuar në Euronews Albania eksperti shpjegoi pasojat që mund të ketë përdorimi i prellave me uranium në rast se ato do të përdoreshin, sipas tij ato do e bënin Ukrainën të pabanueshme për 8 deri në 10. Sipas ekspertit, për momentin këto armë po përdoren nga të dyja anët si formë e presionit politik.

“Edhe perëndimi edhe Rusia po veprojnë në mënyrë të papërgjegjshme, të marrët i kemi lënë të vendosin mbi fati e botës kemi papërgjegjshmëri jo vetëm nga Rusia or kemi papërgjegjshmëri edhe nga Bashkimi Europian. Para dy javësh ministria e mbrojtjes angleze deklaroi e do të dërgojë në Ukrainë prella me mbushje uraniumi.

Në rast se këto prella me mbushje uraniumi do të përdoren e  para tregojnë se Ukraina po pranon disfatizmin në luftë, se ne rast se përdor këto prella në territorin që ti i përdor, ai territor nuk mund të përdoret më, është i pabanueshëm pasi pëson dëmtime radioaktive që mund të qëndrojnë nga 8 deri në 10 vjet, duke e dëmtuar të gjithë popullatën.

Ky është problemi më i madh. Edhe Rusia ka të tilla prella, në rast se të dyja palët do i përdorin, Ukraina do kthehet në një vend të pabanueshëm për askënd dhe do ishte një kërcënim jo vetëm për rajonin, por një Ukrainë e tillë radioaktive do të ishte një kërcënim për të gjithë botën e kryesisht për Evropën. Pasi Ukraina ka një kulturë shumë të madhe bujqësore, ajo sot është hambari i Evropës, nesër nuk do të jetë më”,-tha Dritan Goxhaj.

LEXONI GJITHASHTU:

• Rama: Nuk financojmë studentë mjekësie që të shkojnë t’i shërbejnë popullit gjerman
• Tottenhami identifikon pasuesin e Contes
• Ekspertja: Turistin nga Kosova duhet ta trajtojmë mirë, jo me dy standarde çmimesh