“Armët e Iranit janë të frikshme”, Karamuço: Gjenerata e fundit e raketave nuk është lëshuar

Profesori i Kriminalistikës Ervin Karamuço tha në emisionin Now në Euronews Albania se lufta mes Iranit dhe SHBA pritet të jetë e gjatë dhe nuk dihet kur do të përfundojë.

Sipas tij, arsenali i plotë i armëve të Iranit nuk është shpalosur ende dhe ka ende raketa të gjeneratës së fundit që Irani nuk i ka vënë ende në përdorim.

“Arsenali iranian mund të matet me 40 vite industri, Irani edhe prodhon, edhe ka eksportuar, edhe ka importuar. Teknologjinë ushtarake e ka aty, i ka shitur me mijëra dronë Rusisë. Shumë prej gjeneratave të katërta dhe të pesta nuk janë përdorur ende. Jemi ende te gjenerata e tretë e raketave, nuk kemi parë të shpërfaqur të gjithë këtë arsenal, janë të frikshme se janë të gjeneratës së fundit, të gjeneratës së pestë. Ato që kemi parë, që ka edhe NATO janë disa familje raketash, ata thonë kemi të reja që ju nuk i njihni fare. Do bëjë dëme të mëdha Irani”, tha Karamuço.