“Armët po fshihen nëpër kisha”, deputetja britanike dënon sulmet e serbëve në Veri

Deputetja britanike Alicia Kearns ka shkruar një sërë statusesh në Twitter ku dënon sulmet e serbëve në veri të Kosovës. Alicia Kearns shkruan se armët janë duke u zhvendosur me ambulanca dhe fshihen nëpër kisha.

Ajo ka reaguar pas përplasjeve të djeshme mes serbëve dhe forcave të KFOR, ku pati 30 të plagosur.

“NATO, KFOR luan një rol jetik, neutral në ruajtjen e paqes dhe mbrojtjen e civilëve në Kosovë. Sulmet ndaj tyre dhe gazetarëve duhet të ndalen. Furnizimi me armë në veri të Kosovës nga Serbia për të armatosur bandat në punësimin e elementëve në Beograd janë të papranueshme dhe thellësisht shqetësuese. Mbetjet e armëve zhvendosen në ambulanca, madje ruhen në kisha për të fshehur armatimin e milicisë”, shkruan deputetja britanike.

Deputetja ka edhe një mesazh për ndërkombëtarët ku u thotë se serbët po vazhdojnë të minojnë stabilitetin në veri të Kosovës.

“Aktorët ndërkombëtarë duhet të ndalojnë para se të sulmojnë zyrtarët e zgjedhur në mënyrë demokratike që marrin zyrat e tyre në veri të Kosovës. Jo më pak kur ata qëndrojnë të heshtur dhe nuk arrijnë të thërrasin militantët e mbështetur dhe të armatosur serb, të cilët vazhdojnë të minojnë stabilitetin në veri të Kosovës”, – thotë deputetja britanike.

LEXONI GJITHASHTU:

• Dhuna ndaj KFOR-it në Veri, zyrtari i rëndësishëm i BE-së mbërrin në Kosovë
• Tensionet në Veri, Vuçiç me ambasadorët e Quint-it, BE-së, Rusisë dhe Kinës